Kampanija Visa prezientavała novy bieznajaŭny i bieskantaktavy sposab apłaty z dapamohaj piarścionka, jaki nosicca na palcy.
intecracy.ua
Dla apłaty pakupak treba padnieści hadžet, jaki pakul jašče nie atrymaŭ nazvu, da terminała, jaki padtrymlivaje funkcyju bieskantaktavaj apłaty, paviedamlaje intecracy.ua. Aŭtaryzacyja adbyvajecca z dapamohaj ubudavanaha ŭ piarścionak tokiena — tak nazyvajucca elektronnyja klučy, jakija vykarystoŭvajucca dla biaśpiečnaj identyfikacyi karystalnikaŭ.
Suviaź piarścionka z terminałam zabiaśpiečvajecca ŭbudavanaj mikraschiemaj ad kampanii Gemalto (najbujniejšaha ŭ śviecie vytvorcy sim-kart) i antenaj, jakaja pracuje ŭ standarcie vysokačastotnaj suviazi NFC.
Zhubiŭšy hadžet, jaho možna mamientalna zabłakavać praz smartfon. Pakolki elektronny kluč nie ŭtrymlivaje nijakaj piersanalnaj infarmacyi, atrymać dostup da rachunku paśla błakavańnia nie zmohuć ni rabaŭniki, ni ludzi, jakija znajšli piarścionak.
Sam piarścionak całkam zrobleny z kieramiki i nie maje lišnich mietaličnych detalaŭ, kab nie parušać pracu anteny.
Ź im možna apuskacca ŭ vadu na hłybiniu da 50 m, kali ŭpadzie na ziamlu — taksama niastrašna, tryvały korpus heta vytrymaje.
Dla testavych vyprabavańniaŭ było praduhledžana 20 roznych pamieraŭ jak na mužčynskija, tak i na žanočyja palcy.
Pieršyja vyprabavańni navinki ad Visa projduć letam na Alimpijadzie ŭ Rya-de-Žaniejra. Vypraboŭvać piarścionki, akramia supracoŭnikaŭ i partnioraŭ kampanii, buduć taksama śpiecyjalna adabranyja 45 maładych atletaŭ z roznych krain, jakija buduć žyć niepasredna ŭ Alimpijskaj vioscy.
Jak raspaviali žurnalisty, jakija aznajomilisia z hadžetam, jon padkuplaje prastatoj i minimalizmam svajho dyzajnu. Jon nie tolki nie ŭtrymlivaje ničoha lišniaha, ale i nie patrabuje absalutna nijakaha dohladu — jaho navat nie treba zaradžać, bo jon pracuje biez batarejki.
Kantakt piarścionka z terminałam mahčymy tolki, kali pakazać jaho terminału litaraj O. Kali ž raźmiaścić piarścionak pad vuhłom, pakazaŭšy abadok, to terminał paprostu nie sčytaje čyp u piarścionku.
U Visa pakul ničoha nie kažuć pra mahčymy vychad piarścionka na rynak.
Hadžety dla bieskantaktavaj apłaty źjaŭlajucca ŭvieś čas, ale piarścionak ad Visa źjaŭlajecca pieršym, jaki nie patrabuje nijakaha absłuhoŭvańnia, uklučajučy zaradku.
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary