Na uzbočynie 32 kiłamietra trasy Adesa — Reni va Ukrainie ŭstalavanaja vajskovaja pałatka, u jakoj hubiernatar Adeskaj vobłaści Michaił Saakašvili časova raźmiaściŭ svoj pracoŭny kabiniet.
Saakašvili płanuje znachodzicca tut da taho času, pakul u poŭnym abjomie nie buduć vydzielenyja srodki na ramont hetaj darohi.
«Moj pierajezd u namiot — heta nie epataž, a nieabchodnaść», - zajaviŭ Saakašvili. Jon ličyć, što «kiraŭničy miechanizm (va Ukrainie) daščentu złamany», «viertykal pracuje tolki tam, dzie jość karupcyja». Zatrymku vydzialeńnia srodkaŭ na ramont darohi hubiernatar nazvaŭ «sabatažam rasparadžeńniaŭ» premjer-ministra Uładzimira Hrojsmana i prezidenta Piatra Parašenki.
U ciapierašni čas 300 km trasy znachodzicca ŭ drennym stanie, adnak ź nieabchodnych za 1,2 młrd hryŭniaŭ na ramont było vydzielena tolki 600 młn. U vyniku pakul adramantavana ŭsiaho 8 km darohi.
Ramont trasy Adesa — Reni nieabchodny, pierš za ŭsio, dla raźvićcia turyzmu ŭ rehijonie. Horad Reni - kaštoŭny histaryčny i archieałahičny pomnik, najstaražytnaje sielišča na ŭźbiarežžy Dunaja.
Kamientary