U kazachstanskim Aktabe siońnia ranicaj ździejśnieny napad na achovu dziciačaha łahiera.
Pra heta paviedamiŭ kiraŭnik Kamiteta nacyjanalnaj biaśpieki Kazachstana Uładzimir Žumakanaŭ na sustrečy z prezidentam krainy Nursułtanam Nazarbajevym.
Pa słovach Žumakanava, złačyncy, jakija znachodzilisia ŭ aŭtamabili, abstralali achoŭnikaŭ łahiera z hładkarulnaj strelby. Jon nie ŭdakładniŭ, ci jość paciarpiełyja ŭ vyniku napadu.
«My viedajem, što jany ŭ rehijonie, viadomyja ich asoby, nasielnictva papiaredžana. Nieabchodna zatrymać usich da adzinaha złačyncaŭ. Pry ŭzbrojenym supracivie źniščać. Usie pavinny być pakaranyja samym strohim čynam», — zajaviŭ Nazarbajeŭ.
Žumakanaŭ paviedamiŭ kiraŭniku Kazachstana, što ŭ vyšuku pa padazreńni ŭ dačynieńni da teraktu, ździejśnienaha 5 červienia, znachodziacca šeść čałaviek. Ranicaj 8 červienia ŭ Aktabe byŭ zatrymany adzin padazravany. Takim čynam, usiaho pad vartaj znachodziacca dzieviać mierkavanych terarystaŭ.
***
Nahadajem, 5 červienia, u troch kropkach Aktabe (horad na zachadzie krainy, były Akciubinsk) adbylisia pierastrełki. Achviarami teraktu stali 19 čałaviek, ź ich — čaćviora hramadzianskich i troje vajskoŭcaŭ.
Ministerstva ŭnutranych spraŭ Kazachstana pryznała incydent terarystyčnym aktam.
Pa ŭsim Kazachstanie uviedzieny ŭmierany «žoŭty» režym terarystyčnaj niebiaśpieki, jaki budzie dziejničać na praciahu 40 dzion.
Kamientary