Marcin Obierh: U Biełarusi i Šviecyi jość usie šancy raźvivać uzajemapavažlivy dyjałoh

Siońnia ŭ Biełarusi i Šviecyi jość usie šancy raźvivać uzajemapavažlivy dyjałoh, ź jakoha moža vyraści parazumieńnie, a zatym i zhoda, zajaviŭ BiełaPAN šviedski pasoł Marcin Obierh. Viartańnie davieru pamiž krainami dypłamat ličyć ahulnaj zasłuhaj abiedźviuch dziaržaŭ.

«Davier pamiž Biełaruśsiu i Šviecyjaj, jaki ŭdałosia viarnuć za čas majho znachodžańnia tut, heta nie asabista maja zasłuha, a naša z vami ahulnaja, — adznačyŭ jon. — Heta samaje hałoŭnaje, čaho ja jak dypłamat damohsia. Na hetaj bazie možna budavać adnosiny i raźvivać ich u roznych śfierach, ad palityčnaj i ekanamičnaj da kulturnaj. Ja taksama dumaju, što heta dazvolić nam vybudavać dyjałoh, jak i naležyć pamiž dobrymi susiedziami, jak u pytańniach ahulnaj zhody, tak i tam, dzie našy dumki razychodziacca».

Obierh vykazaŭ škadavańnie z nahody astudžeńnia adnosin dźviuch krain čatyry hady tamu. «Mnie vielmi škada, što tak adbyłosia, ale dumaju, było b nie vielmi praduktyŭna kaho-niebudź vinavacić u hetym. Bolš važna — hladzieć napierad i znajści bazu, ź jakoj my možam raźvivać našy adnosiny dalej, znajści zhodu i parazumieńnie navat u tych śfierach, dzie, mahčyma, našy pohlady nie supadajuć», — skazaŭ dypłamat.

Na jaho dumku, pačatak da naładžvańnia adnosin užo pakładzieny.

«Pierš za ŭsio, heta ŭzajemapavažlivy dyjałoh, — ličyć Obierh. — I my pryjšli siońnia da taho, što možam prosta skazać adzin adnamu, što my dumajem. Heta pieršy krok, ad jakoha moža raźvivacca parazumieńnie i navat raści zhoda».

***

Nahadajem, u žniŭni 2012 hoda pamiž Minskam i Stakholmam adbyŭsia dypłamatyčny kanflikt. Pryčynaj stała rašeńnie biełaruskich uładaŭ nie praciahvać akredytacyju šviedskamu pasłu Stefanu Eryksanu, jakoha Minsk abvinavaciŭ u destruktyŭnaj dziejnaści. U adkaz šviedskija ŭłady zajavili, što nie prymuć novaha pasła Biełarusi, i rekamiendavali dvum supracoŭnikam biełaruskaha pasolstva pakinuć Stakholm. 30 žniŭnia abodva pasolstvy spynili svaju pracu. Funkcyi šviedskaha pasolstva ŭ Minsku vykonvała dyppradstaŭnictva Estonii, biełaruskaha ŭ Stakholmie — pasolstva Łatvii.

Viasnoj 2013 hoda biełaruski bok zadavoliŭ prośbu šviedskaha i akredytavaŭ u Minsku časovaha pavieranaha ŭ spravach Šviecyi ŭ Biełarusi.

Marcin Obierh ź lipienia 2013 hoda pracavaŭ u Minsku ŭ ranhu časovaha pavieranaha ŭ spravach Šviecyi ŭ Biełarusi, a ŭ kancy krasavika 2015 hoda byŭ pryznačany pasłom. Paśla hetaha pryznačeńnia dypłamat zajaviŭ, što Šviecyja vitała b adkryćcio biełaruskaha pasolstva ŭ Stakholmie, ale kančatkovaje rašeńnie za Biełaruśsiu.

• 0
• 0
• 0
• 0
• 0