Finansavańnie budaŭnictva mosta praz Kierčanski praliŭ, jakoje viadzie kampanija Arkadzia Ratenbierha «Strojhazmantaž», časova prypyniena, paviedamlaje Forbes.
Apošni raz hrošy «Strojhazmantažu» na budaŭnictva mosta pieraličvali ź biudžetu ŭ śniežni 2015 hoda. Vyznačanaja na 2016 hod vypłata 65,4 miljardaŭ rasijskich rubloŭ pakul tak i nie praviedziena.
Pra heta havorycca ŭ liście, nakiravanym hiendyrektaram «Strojhazmantaža» Andrejem Kirylenkam na imia pieršaha namieśnika ministra transpartu Jaŭhiena Dytrycha i kiraŭnika Rasaŭtadora Ramana Staravojtava.
U liście, kopija jakoha jość u Forbes, Kirylenka pakazvaje, što kampanija nie moža budavać most zapłanavanymi tempami i inviestavać u zakupku darahoha budaŭničaha abstalavańnia z-za zatrymki apłaty vykananych rabot. Pa słovach krynicy vydańnia, z-za prablem ź finansavańniem na budplacoŭcy ŭžo nie chapaje abstalavańnia.
***
Kierčanski most mieŭsia źviazać Krym z macierykovaj častkaj Rasii. Ruch pa moście ŭ testavym režymie płanujecca adkryć u śniežni 2018 hoda, a kančatkovaja zdača abjekta namiečana na červień 2019 hoda.
Na budaŭnictva mosta, daŭžynia jakoha składzie kala 19 kiłamietraŭ, ź biudžetu RF płanujecca vyłučyć 228,3 miljarda rasijskich rubloŭ.
Kamientary