Za dva malunki ŭ padjeździe žycharu Hrodna pahražaje termin za parnahrafiju
Za vyrab parnahrafičnych materyjałaŭ daviadziecca adkazvać žycharu horada Hrodna 1997-ha hoda naradžeńnia. Małady čałaviek nie ŭdzielničaŭ u jakich-niebudź zdymkach, jak mnohija mahli padumać, i nie vykładvaŭ «kłubničku» ŭ internet, a prosta stvaryŭ dźvie vyjavy na pabiełcy ŭ padjeździe šmatkvaternaha doma, dzie pražyvaje, pryčym zrabiŭ heta nastolki pa-majstersku, što zdoleŭ pieradać usiu hłybiniu svajoj dumki. Imknieńni mastaka nie padzialili piensijanierki, jakija pražyvajuć u hetym ž domie, z hetaj nahody z zajavaj jany źviarnulisia ŭ orhany ŭnutranych spraŭ — nieprystojnyja malunki vyklikali ahidu ŭ sastarełych ludziej.
Načalnik AAPP Leninskaha RAUS padpałkoŭnik milicyi Dźmitryj Kozieł zajaviŭ z hetaj nahody, što ŭ chodzie praviadzieńnia apieratyŭna-vyšukovych mierapryjemstvaŭ udałosia vyznačyć, chto namalavaŭ nieprystojnaści. Była pryznačanaja adpaviednaja ekśpiertyza, pa vynikach jakoj malunki byli adniesieny da parnahrafii. Ich aŭtar zaraz adbyvaje pakarańnie ŭ kałonii za niezakonny abarot narkatyčnych srodkaŭ.
Kamientary