Kanflikt u homielskim restaranie skončyŭsia śmierciu naviedvalnika
Paviedamleńnie ab nieabchodnaści nakiravać narad hrupy zatrymańnia da prypynku hramadskaha transpartu «Vulica Hałavackaha» ŭ Centralny adździeł Departamienta achovy MUS RB pastupiła kala 4 hadzin. Pa słovach apieratyŭnaha dziažurnaha rajonnaha adździeła milicyi, tam było znojdziena cieła mužčyny sa śladami čerapna-mazhavoj traŭmy. Infarmacyja paćvierdziłasia, i da miesca zdareńnia nakiravałasia śledča-apieratyŭnaja hrupa.
— U chodzie apytańnia śviedak było vyjaŭlena, što paciarpieły mužčyna znachodziŭsia ŭ restaranie «Padkova» na vulicy Mazurava, — paviedamiŭ padrabiaznaści staršy inśpiektar Centralnaha adździeła achovy Alaksandr Kamaroŭ. — Z adnym z naviednikaŭ u jaho adbyŭsia słoŭny kanflikt, i apošni ŭdaryŭ jaho hałavoj u tvar, z-za čaho paciarpieły ŭpaŭ na śpinu i stuknuŭsia patylicaj ab asfalt. Chutkaja dapamoha, jakaja prybyła na miesca zdareńnia, praviała reanimacyjnyja mierapryjemstvy, ale vynikaŭ jany nie prynieśli. Nie prychodziačy ŭ prytomnaść, mužčyna pamior.
Druhi ŭdzielnik kanfliktu schavaŭsia ŭ nieviadomym kirunku, ale, pa słovach vidavočcaŭ, moh znachodzicca ŭnutry zakrytych pamiaškańniaŭ restarana. Hrupa zatrymańnia zabłakavała abjekt. Kinołah sa słužbovym sabakam vyjaviŭ mužčynu ŭ dapamožnym pamiaškańni restarana, u jakim, ź jaho słoŭ, jon pracavaŭ padsobnym rabočym.
Dla dalejšaha razhladu zatrymanaha dastavili ŭ Centralny AUS. Pa fakcie zaviedziena kryminalnaja sprava pa art.144 č.1 KK RB (pryčynieńnie śmierci pa nieaściarožnaści).
Kamientary