Kamandujučy vojskami Zachodniaj vajskovaj akruhi praviaraje raźmiaščeńnie vojskaŭ u Varoniežskaj, Branskaj, Biełharodskaj i Smalenskaj abłaściach.
U chodzie płanavaj pajezdki pa złučeńniach i vajskovych častkach u Varoniežskaj, Branskaj, Biełharodskaj i Smalenskaj abłaściach kamandujučy vojskami Zachodniaj vajskovaj akruhi hienierał-pałkoŭnik Andrej Kartapołaŭ pravieryć paradak raźmiaščeńnia vojskaŭ i budaŭnictva vajskovych haradkoŭ.
Pra heta paviedamlaje Interfaks-AVN sa spasyłkaj na pradstaŭnika Zachodniaj vajskovaj akruhi pałkoŭnika Ihara Muhinava.
«Kamandujučy vojskami Zachodniaj vajskovaj akruhi sustreniecca z kiraŭnikami rehijonaŭ i pradstaŭnikami municypalnych utvareńniaŭ, ź jakimi abmiarkuje pytańni pradstaŭleńnia pracoŭnych miescaŭ žonkam vajskoŭcaŭ i paradak zaličeńnia dziaciej vajskoŭcaŭ u daškolnyja i inšyja navučalnyja ŭstanovy», — udakładniŭ jon.
Pavodle jahonych słoŭ, pajezdka maje płanavy charaktar i zavieršycca ŭ kancy miesiaca.
U Varoniežskaj, Branskaj, Biełharodskaj i Smalenskaj abłaściach buduć raźmiaščacca i pieradysłakavanyja złučeńni, i tyja, što stvarajucca nanava.
Pavodle aficyjnych źviestak, u Varoniežskaj vobłaści budzie znachodzicca motastrałkovaja dyvizija, jakaja ciapier farmujecca, u Branskaj (horad Klincy) — pieradysłakavanaja ź Jekaciarynburha 28-ja asobnaja motastrałkovaja bryhada, u Biełharodskaj (horad Vałujki) — pieradysłakavanaja z Samary 23-ja asobnaja motastrałkovaja bryhada, u Smalenskaj (horad Jelnia) — motastrałkovaja dyvizija.
Kamientary