«Hazprom» płanuje inviestavać u hazatranspartnuju sistemu Biełarusi da $2,5 młrd
«Hazpram» płanuje inviestavać u raźvićcio hazatranspartnaj sistemy Biełarusi $ 2—2,5 młrd da 2020 hoda. Pra heta havorycca ŭ materyjałach da vizitu Uładzimira Pucina ŭ Biełaruś.
«Hazpram» źjaŭlajecca ŭłaśnikam biełaruskaha ŭčastka hazapravoda «Jamał — Jeŭropa». Da 2020 hoda «Hazpram» płanuje inviestavać u raźvićcio hazatranspartnaj sistemy Biełarusi $ 2-2,5 młrd, u pavieličeńnie mahutnaściaŭ padziemnych schoviščaŭ hazu — $1,1 młrd», — havorycca ŭ dakumiencie.
Rasija źjaŭlajecca asnoŭnym pastaŭščykom nafty i hazu ŭ Biełaruś pry štohadovych pastaŭkach kala 21,5 młn ton nafty i 20 młrd kub. m hazu.
Akramia taho, u dakumiencie ŭkazvajecca, što śfieraj stratehičnaha supracoŭnictva Rasii i Biełarusi źjaŭlajecca enierhietyka. Tak, «Rasatam» viadzie budaŭnictva pieršaj biełaruskaj AES mahutnaściu 2400 MVt pry abjomie kapitałaŭkładańniaŭ $10 młrd. Uvod u ekspłuatacyju pieršaha błoka AES zapłanavany na 2018 hod, a ŭvod druhoha błoka i zaviaršeńnie budaŭnictva — na 2020 hod.
Kamientary