8-hadovy Fiodar Mazyrec, pra źniknieńnie jakoha niekalki hadzin tamu paviedamiŭ pošukava-vyratavalny atrad «Anioł», znojdzieny.
Školnik znojdzieny ŭ Puchavickim rajonie Minskaj vobłaści. Jon vyrašyŭ samastojna dabracca da svajoj babuli, nikoha nie papiaredžvajučy. «Ciapier ź Fiodaram usio dobra i jaho žyćciu ničoha nie pahražaje», — paviedamili vałanciory «Anioła».
Nahadajem, pavodle infarmacyi «Anioła», Fiodar Mazyrec, jaki pražyvaje na vulicy Słabadskoj, siońnia kala 8.30, budučy na Karžanieŭskaha, d. 33/1, syšoŭ u nieviadomym kirunku.
U Minsku šukajuć źnikłaha chłopčyka: siońnia kala 8.30 ranicy Fiodar Mazyrec syšoŭ z vulicy Karžanieŭskaha 33/1 u nieviadomym kirunku. Na suviaź z rodnymi nie vychodziŭ.
Prykmiety chłopčyka: rost 145 sm, vočy błakitnyja, vałasy rusyja. Byŭ apranuty ŭ čyrvonuju koftu «Adydas», sinija džynsy, u jaho bieła-biežavyja krasoŭki. Z saboj u jaho byŭ zaplečnik ź jarka-aranžavymi šlejkami.
Jaho šukajuć milicyja i pošukava-vyratavalny atrad «Anioł».
Kali ŭ vas jość infarmacyja ab dziciaci, paviedamicie ŭ milicyju pa telefonie 102 abo ŭ pošukava-vyratavalny atrad «Anioł» pa numary: 8-033-6666-856.
Kamientary