Rasijski mastak Piotr Paŭlenski, što padpaliŭ dźviery FSB, vyjšaŭ na volu z zały suda FOTAFAKT
Mastak Piotr Paŭlenski, jaki atrymaŭ štraf u 500 tys. rasijskich rubloŭ za padpał dźviarej budynka FSB na Łubiancy, pakinuŭ budynak Miaščanskaha suda Maskvy.
Sudździa pastanaviła vyzvalić Paŭlenskaha ŭ zale suda. Pierad hetym jaho adviali ŭ kanvojnaje pamiaškańnie dla afarmleńnia dakumientaŭ, a zatym adpuścili na volu.
U sieradu Miaščanski sud Maskvy abaviazaŭ Paŭlenskaha vypłacić štraf pamieram 481,5 tys. rub. (kala 7 tys. 400 dalaraŭ) za padpał dźviarej hałoŭnaha budynka FSB na Łubiancy. Prakuror prasiŭ dla mastaka štraf 1,5 młn rub. i nie patrabavaŭ realnaha terminu, bo Paŭlenski ŭpieršyniu byŭ pryciahnuty da kryminalnaj adkaznaści, i jon źjaŭlajecca baćkam dvuch dziaciej.
Padčas vyniasieńnia prysudu sudździa Alena Hudošnikava ŭdakładniła, što taki nievialiki štraf pryznačajecca Paŭlenskamu ŭ suviazi z ulikam siami miesiacaŭ, jakoje jon pravioŭ pad vartaj u śledčym izalatary. Zhodna z rašeńniem suda, mastak pavinien vypłacić štraf vajskovaj čaści № 55002, jakaja znachodzicca ŭ budynku FSB na Łubiancy.
Sud pryznaŭ vinavatym Piatra Paŭlenskaha za toje, što ŭ noč na 9 listapada 2015 hoda jon abliŭ bienzinam i padpaliŭ uvachodnyja dźviery budynka FSB na vulicy Miaśnickaj. Akcyja atrymała nazvu «Pahroza» i byŭ pryśviečany kryminalnych spravach ab teraryźmie, jakija zavodziła i rasśledavała FSB.
Kamientary