Prezident Rasii Uładzimir Pucin prybyŭ u Biełaruś dla ŭdziełu ŭ III Forumie rehijonaŭ Biełarusi i Rasii. Samalot rasijskaha lidara ździejśniŭ pasadku ŭ Nacyjanalnym aeraporcie Minsk.
U aeraporcie Uładzimira Pucina sustreŭ premjer-ministr Andrej Kabiakoŭ.
Jak paviedamlałasia, da ŭdziełu ŭ forumie prezidenty Biełarusi i Rasii Alaksandr Łukašenka i Uładzimir Pucin praviaduć sustreču ŭ Pałacy Niezaležnaści, na jakoj abmiarkujuć biełaruska-rasijskaje handlova-ekanamičnaje supracoŭnictva i inšyja aktualnyja pytańni dvuchbakovych adnosin.
«Płanujecca, što asablivy akcent padčas sustrečy budzie zrobleny na mierach pa pieraadoleńni źnižeńnia ŭzajemnaha tavaraabarotu na fonie ekanamičnaj niestabilnaści ŭ rehijonie i śviecie. Uličvajučy ciesnaje handlova-ekanamičnaje supracoŭnictva dźviuch krain jak u ramkach Sajuznaj dziaržavy, tak i Jeŭrazijskaha ekanamičnaha sajuza, razmova taksama pojdzie ab pahłybleńni intehracyi, pierśpiektyvach źniaćcia asobnych abmiežavańniaŭ va ŭzajemnym handli», — zajaviła pres-sakratar kiraŭnika Biełarusi Natalla Ejsmant.
Kamientary