Dyrekcyja Biełaruskaj AES abviarhaje infarmacyju pra incydent na budaŭničaj placoŭcy
Dyrekcyja Biełaruskaj atamnaj stancyi abviarhaje infarmacyju pra incydent na budaŭničaj placoŭcy AES, jakuju napiaredadni raspaŭsiudzili litoŭskija ŚMI sa spasyłkaj na pres-sakratara Departamienta dziaržbiaśpieki Litvy Vitaŭtasa Makaŭskasa, paviedamlaje pres-słužba Ministerstva enierhietyki Biełarusi.
U pryvatnaści, 7 červienia na litoŭskim partale navin delfi.lt była apublikavanaja natatka ab tym, što Departamient dziaržbiaśpieki Litvy praviaraje infarmacyju pra incydent, jaki nibyta adbyŭsia na minułym tydni na placoŭcy budaŭnictva Biełaruskaj AES. Padrabiaznaści hetaha incydentu vydańnie nie pryvodzić. Ranicaj 8 červienia na delfi.lt taksama źjaviŭsia kamientar ministra enierhietyki Litvy Rokasa Masiulisa, jaki zajaviŭ: «Pakul u nas niama detalaŭ ab jašče adnym mahčymym incydencie na AES u Astraŭcy. Adnak infarmacyja, jakaja źjaviłasia, vyklikaje vialikuju zaniepakojenaść u suviazi ź biaśpiekaj budučaj elektrastancyi».
Pres-słužba biełaruskaha Minenierha ŭ adkaz na hetyja zajavy litoŭskaha boku paviedamiła, što «budaŭnictva Biełaruskaj AES viadziecca ŭ štatnym režymie» i «nijakich incydentaŭ pry vytvorčaści budaŭniča-mantažnych rabot u nazvany ŭ infarmacyi pieryjad nie było».
«Kantrol za jakaściu vykananych budaŭniča-mantažnych rabot na placoŭcy Biełaruskaj AES ažyćciaŭlajecca ŭ adpaviednaści z ustanoŭlenym rehłamientam», — havorycca ŭ paviedamleńni ad imia ministerstva.
Kamientary