Kampanija Ubisoft anansavała vychad kampjutarnaj hulni «Watch Dogs 2». Raspracoŭščyki całkam źmianili farmat hulni.
Hałoŭnym hierojem stanie Markus Chołaŭej – ciemnaskury chakier z Okłanda, jaki staŭ aktyvistam paśla taho, jak jaho baćkoŭ zahrebła sistema. Markus uvachodzić u skład chakierskaj hrupy DedSec, što kinuła vyklik bujnym karparacyjam, złačynnym hrupoŭkam i inšym chakieram, tak ci inakš niebiaśpiečnym dla žyćcia «prostych śmiarotnych».
Zhodna z zajavaj raspracoŭščykaŭ, u hulni budzie całkam adkryty śviet, a taksama mahčymaść kaapieratyŭnaj hulni ź siabrami i spabornickija šmatkarystalnickija režymy dla prychilnikaŭ takoha rodu zabavak. Padziei Watch Dogs 2 buduć razhortvacca ŭ horadzie San-Francyska.
Pieršaja častka Watch Dogs zajmieła svaju papularnaść dziakujučy siužetu. Tady hieroj hulni sprabavaŭ schavacca ad palicyi, fiederałaŭ, dziejničaŭ ananimna. U Watch Dogs 2 całkam źmienienaja kancepcyja razumieńnia chakierstva jak subkultury – supołka chakieraŭ sprabuje zmahacca za svabodu raspaŭsiudu i pieraškadžaje ŭładam sačyć za svaimi hramadzianami. Chakierstvavać pryjdziecca paŭsiul – ad łaziernych pakazaŭ na vysokich budynkach i malavańnia hrafici da ŭzłomu efiru telenavin. Kardynalnyja źmieny čakajuć i siužet – adnoj z asnoŭnych zadač budzie nabrać jak maha bolšuju kolkaść padpisantaŭ.
Vialikuju ŭvahu raspracoŭščyki nadali i realistyčnaści – paŭsiul buduć vykarystoŭvacca drony, zbroja budzie drukavacca na 3D-prynterach. Dla taho, kab pierabracca z adnaho punktu horada ŭ inšy, hieroj zmoža vykarystoŭvać parkur ci ŭzłamać čyj-niebudź aŭtamabil. Raspracoŭščyki abiacajuć pieradać sapraŭdnuju atmaśfieru roznych rajonaŭ San-Francyska. Toje samaje tyčycca i piersanažaŭ – kožny čałaviek i žyvioła na vulicy buduć žyć svaim žyćciom.
Vychad hulni zapłanavany na 15 listapada hetaha hoda.
Trejler hulni: