USK pa h. Minsku vyśviatlaje akaličnaści DTZ na Partyzanskim praśpiekcie, u vyniku jakoha adzin mužčyna ad atrymanych traŭmaŭ zahinuŭ na miescy, druhi dastaŭleny va ŭstanovu achovy zdaroŭja. Pra heta paviedamiŭ aficyjny pradstaŭnik Śledčaha kamiteta Alaksiej Klimovič.
Pavodle papiarednich dadzienych, atrymanych u chodzie ahladu miesca zdareńnia, vyjaŭlena, što kiroŭca aŭtamabila «Folksvahien Pasat», jaki ruchaŭsia pa Partyzanskim praśpiekcie z boku vuł. Kabuškina, na skryžavańni z vuł. Šašejnaj ździejśniŭ najezd na rehulavanym piešachodnym pierachodzie na dvuch mužčyn, paśla čaho sutyknuŭsia z aŭtamabilem «Chiondaj».
Pa fakcie DTZ raspačataja kryminalnaja sprava pa č.2 art.317 Kryminalnaha kodeksa. Praca na miescy praciahvajecca.
USK pa h. Minsku zaklikaje vidavočcaŭ zdareńnia i ludziej, jakija majuć pa hetym pytańni jakuju-niebudź infarmacyju, źviarnucca pa telefonach 8017-222-25-10, 8017-222-08-32.
Kamientary