Žurnalisty zapytalisia na paniadziełkavaj pres‑kanferencyi lideraŭ apazycyi, što jany dumajuć pra budaŭnictva AES.
Žurnalisty na paniadziełkavaj pres‑kanferencyi lideraŭ apazycyi zapytalisia, što jany dumajuć pra budaŭnictva AES.
«Unutry abjadnanych demakratyčnych siłaŭ ahulnaja pazycyja adnosna budaŭnictva AES nie vypracoŭvałasia. Svajo mierkavańnie maja kožnaja z partyj. Na apošnim sojmie BNF my abmiarkoŭvali hetuju prablemu. Naša pazycyja — nie dapuścić budaŭnictva ŭ krainie rasiejskaj AES. U pieršuju čarhu treba zapatrabavać ad uładaŭ maksymum infarmacyi pra ekanamičnaje abhruntavańnie, mechanizm i arhumenty dziela vybaru zamiežnaha partneru. Tolki pry ŭmovach takoj prazrystaści moža prymacca takoje važnaje dla našaj enerhietyčnaj biaśpieki stratehičnaje rašeńnie», — kaža namieśnik staršyni Partyi BNF Vincuk Viačorka.
«Nacyjanalny kamitet ADS pravodziŭ kruhły stoł na hetuju temu. Była vielmi cikavaja dyskusija. Sapraŭdy, adzinaj pazycyi niama. Adnak, usie struktury ADS padzialajuć mierkavańnie, što pry hetym palityčnym režymie budavać AES nielha. Na hetaje pytańnie treba ŭvieści maratoryj da toj pary, pakul nia budzie adkaznaja ŭłada, jakaja budzie prymać takoje rašeńnie tolki paśla dyskusii ŭ hramadztvie», — zaznačyŭ staršynia AHP Anatol Labiedźka.
Raniej za budaŭnictva AES vystupiŭ tolki lider «Maładoha frontu» Źmicier Daškievič.
Kamientary