Leanid Kułakoŭ, fota Siarhieja Hudzilina
Aktyvista «Jeŭrapiejskaj Biełarusi» Leanida Kułakova 21 červienia zatrymali supracoŭniki DAI za paru bieł-čyrvona-biełych aŭtaściahoŭ z hierbam «Pahonia», jakija jon pačapiŭ na aŭtamabil-taksi.
Kułakoŭ vyrašyŭ pryniać udzieł u akcyi pa papularyzacyi nacyjanalnych simvałaŭ «BČBmabil», jakuju abviaściła «Art Siadziba». Kožnamu advažnamu biełarusu arhanizacyja daje šaniec pieratvaryć svajo aŭto ŭ «BČBmabil».
Jak tolki Leanid Kułakoŭ pačapiŭ ściažki na aŭtamabil, jaho zatrymali supracoŭniki DAI i dastavili razam z aŭtamabilem u RUUS Centralnaha rajona.
Pravaabaroncy vyśviatlajuć padrabiaznaści zatrymańnia aktyvista.
Paśla taho jak Kułakova adpuścili ź milicyi, jon zaŭvažyŭ, što na aŭtamabili, jaki stajaŭ kala budynka RUUSa ściažki adsutničajuć — niechta ich skraŭ. Kułakoŭ sprabavaŭ napisać zajavu ab kradziažy ściažkoŭ. Supracoŭniki milicyi admaŭlalisia zajavu prymać.
Inšy aŭtamabil ź bieł-čyrvona-biełymi ściahami ŭ Minsku. Fota zroblenaje ŭ červieni.
