Pamierła viarstalnica časopisa «Arche» i inšych biełaruskich vydańniaŭ Jaŭhienija Pliska. Joj było 33 hady.
«Hety numar [časopisa] — apošni, jaki pačynała viarstać (ale tak i nie skončyła) naša niaźmiennaja supracoŭnica na praciahu piaci hadoŭ Jaŭhienija Pliska, vydatny prafiesijanał i ŭvohule cudoŭnaja va ŭsich adnosinach dziaŭčyna. Vychad numara ŭ śviet tolki na paru dzion raźminuŭsia z dniom jaje śmierci ad ciažkoj nievylečnaj chvaroby. Chaj joj TAM budzie dobra. A nam TUT budzie vielmi jaje nie chapać», — napisaŭ u svaim fejsbuku namieśnik hałoŭnaha redaktara, historyk Aleś Paškievič.
Jaŭhienija zachvareła na rak u kancy minułaha hoda. Chvarobu vyjaviła na poźniaj stadyi, i jana nie paśpieła navat prajści chimijaterapiju.
Jana była dačkoj adnaho z zasnavalnikaŭ Abjadnanaj hramadzianskaj partyi, palitołaha, jurysta Michaiła Pliski.
Tolki ŭ Arche praź jaje ruki prajšło 35 knih i vypuskaŭ, a kolki ŭ inšych vydaviectvach. Jana była adnym sa ścipłych aniołaŭ biełaruskaj kultury.
«Naša Niva» vykazvaje spačuvańni rodnym i kaleham Jaŭhienii.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary