Turystyčny servis Expedia zadaŭsia pytańniem, na jakich plažach šukać samych fihurystych pryhažuń i pryhažunoŭ. Dla hetaha było praviedzienaje śpiecyjalnaje apytańnie siarod 11 tysiač čałaviek z 24 krain.
favim.com
Vyniki hłabalnaha apytańnia pakazali, što ludzi z samymi pryhožymi fihurami lažać u šezłonhach na plažach Jeŭropy. Pra heta piša PRNewswire.
Tak, 24% apytanych skazali, što samyja pryhožyja plažnyja turysty — heta jeŭrapiejcy. Druhi radok (17% respandentaŭ) dastałasia pradstaŭnikam krain Karybskaha basiejna, dalej iduć amierykancy (14%).
Daśledavańnie taksama pakazała, što turysty najbolš lubiać rassłablacca na plažy i ničoha nie rabić. Na druhim miescy siarod plažnych zaniatkaŭ — čytańnie knih. A voś amierykancy ździvili: 17% žycharoŭ ZŠA skazali, što na plažy jany zvyčajna pracujuć. Pracujuć padčas pryniaćcia soniečnych vannaŭ i žychary Indyi — pra plažnuju pracavitaść zajavili 32% apytanych.
