Łoś trapiŭ pad koły maršrutki na vulicy Aeradromnaj u Minsku, paviedamiła staršy inśpiektar DAI Kastryčnickaha rajona Viktoryja Caruk.
Kala 6.00 23 červienia mužčyna za rulom maršrutnaha taksi Mercedes Sprinter jechaŭ pa Aeradromnaj z boku praśpiekta Žukava ŭ kirunku vulicy Čkałava, jak raptam sprava naleva pa chodzie ruchu na prajeznuju častku vyskačyŭ łoś. Kiroŭca nie paśpieŭ zreahavać i źbiŭ žyviołu. Sam mužčyna nie paciarpieŭ, a łoś, choć i atrymaŭ traŭmy, ale zastaŭsia žyvy. Na ščaście, u momant avaryi pasažyraŭ u sałonie maršrutki jašče nie było.
Acalełaja žyvioła kinułasia biehčy preč ad miesca DTZ i schavałasia ŭ dvarach na Karatkieviča, adkul zatym pieramiaściłasia na Bryleŭskuju, pa jakoj nakiravałasia ŭ bok vulicy Kazinca. Supracoŭniki DAI, jakija prybyli na miesca incydentu, vyklikali na padmohu inšyja ekipažy darožnaj milicyi, jakija supravadžali łasia pa šlachu jaho śledavańnia, kab praduchilić novyja avaryi.
Źniasilenaha łasia pieradali śpiecyjalistam, jakija buduć vyrašać dalejšy los žyvioły.
