U ispanskim Alikante 24 červienia adkryłasia hanarovaje konsulstva Biełarusi.
U cyrymonii ŭziali ŭdzieł pasoł Biełarusi ŭ Francyi i Ispanii (pa sumiaščalnictvie) Pavieł Łatuška, hanarovy konsuł Biełarusi ŭ Alikante Alfonsa Churada Miesa, pradstaŭniki meryi Alikante, dypłamatyčnaha korpusa, hramadskich i dziełavych kołaŭ rehijona Valensija, paviedamlaje biełaruskaje pasolstva ŭ Paryžy.
Hanarovaje konsulstva budzie ažyćciaŭlać dziejnaść na terytoryi konsulskaj akruhi, jakaja ŭklučaje aŭtanomii Andałusija, Valensija, Mursija i Kaścilija — Ła-Manča.
Łatuška paviedamiŭ, što ŭ płanach biełaruskaha boku adkryć pasolstva ŭ Ispanii.
Alfonsa Churada Miesa adznačyŭ, što Alikante źjaŭlajecca trecim horadam pa kolkaści hramadzian Biełarusi, jakija žyvuć u Ispanii, paśla Madryda i Barsiełony.
Padčas cyrymonii pradstaŭniki biełaruskaj dyjaspary vykanali pieśni z repiertuaru biełaruskich kalektyvaŭ «Pieśniary» i «Siabry», narodnyja pieśni.
U miežach znachodžańnia Łatuški ŭ Alikante zapłanavanaja sustreča z meram horada dla abmierkavańnia pierśpiektyŭ raźvićcia supracoŭnictva z Brestam.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)