Fiermiery, biznesmieny i Dźmitryjeŭ z Karatkievič. «Havary praŭdu» płanuje vystavić na vybary 29 čałaviek
Kampanija «Havary praŭdu» vyłučaje kandydatami ŭ deputaty 29 čałaviek, ź jakich 2/3 nie mieli dačynieńnia da palityki da hetaha času. Pra heta zajavili lidary kampanii na prezientacyi śpisu svaich pretendentaŭ u parłamient.
U śpisie šaściora minčan, pa try čałavieki z Bresckaj, Viciebskaj, Homielskaj, Hrodzienskaj i Minskaj abłaściej, piaciora pradstaŭnikoŭ Viciebskaj vobłaści i šaściora — z Mahiloŭskaj. «Havary praŭdu» vyłučaje na vybary 24 mužčyny i 5 žančyn va ŭzroście ad 23 da 65 hadoŭ.
Akramia lidaraŭ kampanii — Taćciany Karatkievič i Andreja Dźmitryjeva, eks-kiraŭnik Rahačoŭskaha harvykankama (1991-1995 hady) Mikałaj Kamaroŭski, biźniesmieny Alaksandr Snar i Uładzimir Mšar, pradprymalniki Piotr Šymbaloŭ, Taćciana Hutarava i Jarasłaŭ Žuryk, namieśnik dyrektara budaŭničaj kampanii Ina Kušnier, fiermiery Ihar Hryšanaŭ i Dzianis Filko, jurysty Alaksandr Mikulin i Alaksandr Zielankoŭski, inžynier Pavieł Kurski, ekanamist Viktar Źviarko, vypusknik mahistratury BDU hetaha hoda Jahor Levačoŭ i inšyja
Pa dadzienych «Havary praŭdu», tolki piaciora z hetych ludziej užo vyłučalisia ŭ deputaty, a 2/3 śpisu — i zusim novyja asoby ŭ palitycy, jakija pryjšli ŭ jaje paśla prezidenckaj kampanii Taćciany Karatkievič. Troje z 29 budučych kandydataŭ — siabry Biełaruskaj sacyjał-demakratyčnaj partyi (Hramady), astatnija - biespartyjnyja. Usie buduć vyłučacca šlacham zboru podpisaŭ.
Ludziej u hety śpis adbirali z kala 60 kandydatur. Niekatoryja nie patrapili ŭ vynikovy śpis tamu što «vyśvietliłasia, što jany nie zusim razumiejuć, što takoje mirnyja pieramieny i nie całkam padzialajuć hetuju palityčnuju płatformu», paviedamiŭ kiraŭnik štaba «Havary praŭdu» Siarhiej Vaźniak.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary