Krainy Jeŭrasajuza zaklikali Brytaniju chutka pravieści pieramovy ab vychadzie z błoka pa vynikach ahulnanacyjanalnaha refierendumu ab členstvie ŭ ES.
U Bierlinie ŭ subotu prajšło ekstrannaje pasiadžeńnie pradstaŭnikoŭ šaści krain-zasnavalnic ES.
Brytanski premjer-ministr Devid Kemieran raniej zajaviŭ, što pakinie svoj post da kastryčnika, kab jaho pierajemnik zmoh udzielničać u pieramovach.
«My zajaŭlajem ŭsie razam, što hety praces pavinien pačacca jak maha chutčej, kab pakłaści kaniec niapeŭnaści i dazvolić nam skancentravacca na budučyni Jeŭropy», — skazaŭ ministr zamiežnych spraŭ Hiermanii Frank-Valter Štajnmajer.
Jaho hałandski kaleha Biert Kunders adznačyŭ, što palityčny vakuum nieprymalny dla kantynienta. «My pavinny pieraharnuć staronku», — skazaŭ ministr zamiežnych spraŭ Niderłandaŭ.
U toj ža čas kanclerka Niamieččyny Anhieła Mierkiel zajaviła: «Heta, viadoma, nie pavinna ciahnucca biaskonca, ale ja nie budu nastojvać na najkaraciejšych terminach».
Jana dadała, što niama nieabchodnaści vieści pieramovy ŭ adkryta niadobrazyčlivaj maniery.
U sieradu — na nastupny dzień paśla pieramovaŭ Kemierana ź jeŭrapiejskimi kalehami — projdzie pieršy samit lidaraŭ ES bieź Vialikabrytanii.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary