Infarmacyja pra zvalnieńnie aktora i barda źjaviłasia siońnia na staroncy Haradzienskaj biblijateki ŭ Fejsbuku.
«Daviedalisia my, što naš słavuty aktor i bard Viktar Šałkievič zvolnieny z Haradzienskaha abłasnoha teatra lalek.
Kažuć, bard Šałkievič dazvoliŭ sabie volnadumničać sa sceny na kancercie, jaki adbyŭsia ŭ Hrodnie 10 červienia. Pilnym haradzienskim ideołaham i kiraŭnictvu nie spadabałasia i ŭsio - pišy zajavu, byvaj «Tutejšyja», — zajaŭlałasia ŭ dopisie.
U Hrodzienskim abłasnym teatry lalek, dzie Šałkievič pracuje z 1990 hoda, infarmacyju pra zvalnieńnie abvierhli.
«Viktar nieŭzabavie idzie ŭ adpačynak, bo ŭ jaho zapłanavanyja svaje vystupy, ale ź vieraśnia praciahnie pracu ŭ teatry», — zapeŭniła Maryja Šabašova, dyrektarka teatra.
Jana padkreśliła, što čutki pra zvalnieńnie — heta tolki čutki.
Sam Viktar Šałkieivč prakamientavaŭ situacyju tak: «Ja pakul u adpačynku, a dalej budzie bačna. Va ŭsiakim vypadku, kantrakt u mianie da nastupnaha hoda».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary