Va ŭpraŭleńni Śledčaha kamiteta pa Viciebskaj vobłaści raspačataja kryminalnaja sprava pa fakcie pažaru na zavodzie «Palimir» AAT «Naftan» pa č. 2 art. 304 KK (parušeńnie praviłaŭ pažarnaj biaśpieki, što paciahnuła ŭźniknieńnie pažaru, jaki pryčyniŭ škodu ŭ bujnym pamiery).
Jak paviedamiła aficyjny pradstaŭnik USK pa Viciebskaj vobłaści Śviatłana Sacharava, užo vyjaŭlena, što 18 červienia kala 13.00 na nulavoj adznacy korpusa № 305 cecha № 104 zavoda «Palimir» adbyłasia razhiermietyzacyja trubapravoda padačy etan-etylenavaj frakcyi. U vyniku adbyłosia ŭzharańnie haručych hazaŭ u cechu № 104, što paciahnuła pryčynieńnie škody ŭ bujnym pamiery.
Dla rasśledavańnia spravy stvoranaja śledčaja hrupa. Śledčymi praviedzieny ahlad miesca zdareńnia z udziełam śpiecyjalistaŭ Dziaržaŭnaha kamiteta sudovych ekśpiertyz, kanfiskavanyja dakumienty, u tym liku techničnyja charaktarystyki reaktara R-1 / U ŭ cechu № 104, dapytanyja rabotniki źmieny, jakaja pracavała ŭ momant uzharańnia, kanfiskavanyja hukazapisy ab pažary, pryznačanaja fanaskapičnaja ekśpiertyza.
U vyniku pažaru kanstruktyŭnyja elemienty vonkavaj technałahičnaj estanoŭki cecha pa vytvorčaści etylenu atrymali značnyja paškodžańni, u tym liku termičnyja.
Pažarna-techničnyja ekśpierty ŭpraŭleńnia Dziaržkamiteta sudovych ekśpiertyz pa Viciebskaj vobłaści dapamahli śledčym vyjavić i apisać ślady termičnych paškodžańniaŭ na miescy zdareńnia. Dla znachodžańnia i vyznačeńnia ačaha pažaru i krynicy ŭzharańnia dadzienyja rekamiendacyi pa pryznačeńni kompleksnych daśledavańniaŭ z pryciahnieńniem śpiecyjalistaŭ DKSE.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary