Hulcy zbornaj Rasii pabilisia pamiž saboj pierad sustrečaj z Uelsam
Cikavyja padrabiaznaści vypłyvajuć pra byt nacyjanalnaj kamandy Rasii na čempijanacie Jeŭropy ŭ Francyi.
Napeŭna, mnohija źviarnuli ŭvahu, što paŭabaronca Pavieł Mamajeŭ vyjšaŭ na apošniuju hulniu z raśsiečanym bryvom. Doktar zbornaj Rasii ŭ kamientary skazaŭ, što nie viedaje, adkul uziałosia raśsiačeńnie, a jaho paklikali prosta nakłaści švy.
Ciapier rasijskija žurnalisty dakapalisia da taho, što stajała za hetym incydentam. Paśla niaŭdałaj sustrečy sa zbornaj Słavakii (1:2) Pavieł Mamajeŭ zajšoŭ u raździavalniu Rasii na emocyjach. Maŭlaŭ, z takoj kamandaj navat uničyju soramna hulać, a nie toje, što prajhravać.
Paśla hetaha Mamajeŭ nakinuŭsia z krytykaj na hałoŭnaha treniera zbornaj Leanida Słuckaha, jaki «vystaŭlaje ŭ składzie hetaje ha…no». Majecca na ŭvazie Raman Najštedter, adzin lehijanier u składzie zbornaj Rasii. Napiaredadni Jeŭra jamu dali rasijskaje hramadzianstva, bo baćki Najštedtera byli z Rasii. Hulaje futbalist u čempijanacie Hiermanii za «Šalkie-04».
Słucki prapuściŭ tady hetyja słovy, adnak nazaŭtra paprasiŭ Mamajeva vybačycca za svaje pavodziny. Na heta Mamajeŭ iznoŭ adreahavaŭ vielmi vostra. Pačałasia słoŭnaja pierapałka. Skončyłasia heta tym, što kapitan zbornaj Rasii Raman Šyrokaŭ prosta ŭdaryŭ Mamajeva, źbiŭšy jaho z noh. Dalejšuju bojku nie dapuścili hulcy zbornaj.
Sami futbalisty pakul abviarhajuć takuju viersiju.
Paśla takoha skandału zbornaja Rasii razhromna sastupiła Uelsu – 0:3.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary