U Biełarusi mohuć abmiežavać dziejnaść kantaktnych zaaparkaŭ, paviedamiła 27 červienia na pres-kanfierencyi načalnik upraŭleńnia bijałahičnaj i łandšaftnaj raznastajnaści Ministerstva pryrodnych resursaŭ i achovy navakolnaha asiarodździa Biełarusi Natalla Minčanka.
Pavodle jaje słoŭ, Minpryrody vyvučyła sprečki, jakija ŭźnikli ŭ tym liku ŭ internecie, ab ich niadaŭnim źjaŭleńni ŭ handlovych centrach Minska i źviarnułasia z prapanovaj u Ministerstva žyllova-kamunalnaj haspadarki z tym, kab abmiežavać dziejnaść takich zaaparkaŭ.
«My nie možam uvieś praces funkcyjanavańnia hetych zaaparkaŭ kantralavać, nie moža jaho kantralavać i sam uładalnik, — skazała jana. — Akramia biaśpieki ludziej i žyvioł, jość jašče pytańni sanitarna-hihijeničnyja i inšyja, tamu naša prapanova była — abmiežavać kantakt žyvioł z čałaviekam».
Jak adznačyła kansultant upraŭleńnia žyllovaj haspadarki Ministerstva ŽKH Vijaleta Andryjanava, hetaja prapanova była ŭličanaja pry uniasieńni dapaŭnieńniaŭ i źmianieńniaŭ u Zakon Respubliki Biełaruś «Ab žyviolnym śviecie», asnoŭnyja pałažeńni jakoha ŭstupiać u siłu 30 červienia 2016 hoda.
Za abmiežavańnie dziejnaści kantaktnych zaaparkaŭ vykazaŭsia i hienieralny dyrektar Navukova-praktyčnaha centra pa bijaresursach Aleh Baradzin.
«Davać dzieciam hładzić janotapadobnaha sabaku — heta vychodzić za miežy ŭsiaho», — prakamientavaŭ jon.
Minčanka patłumačyła, što kali zakon budzie pryniaty, uładalniki kantaktnych zaaparkaŭ buduć abaviazanyja zabiaśpiečyć aharodžu ad niepasrednych kantaktaŭ ludziej i žyvioł. «Kali ŭmovy ŭtrymańnia žyvioł buduć adpaviadać normam, to takija ŭstanovy mohuć praciahvać pracavać, ale biez asabistaha kantaktu. Možna budzie tolki pahladzieć na žyvioł i, naprykład, praciahnuć morkaŭku».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary