Pryjom dakumientaŭ na pryvatyzacyju žylla 27—30 červienia ažyćciaŭlajecca z 6.00 da 24.00
Pryjom dakumientaŭ dla pryniaćcia rašeńnia ab pryvatyzacyi žyłych pamiaškańniaŭ dziaržaŭnaha žyllovaha fondu z 27 pa 30 červienia ažyćciaŭlajecca z 6.00 da 24.00, zajaviŭ načalnik upraŭleńnia pa rabocie sa zvarotami hramadzian, ŚMI Ministerstva žyllova-kamunalnaj haspadarki Biełarusi Hienadź Akściłovič.
«U adpaviednaści z płanam mierapryjemstvaŭ, jaki źviazany z zaviaršeńniem pracedury pryvatyzacyi dziaržaŭnaha žyllovaha fondu, arhanizacyi, što prymajuć dakumienty, na biahučym tydni z paniadziełka pa čaćvier uklučna buduć pracavać z 6.00 da 24.00», — adznačyŭ Hienadź Akściłovič.
Jon nahadaŭ, što rašeńnie pa zajavie ab pryvatyzacyi žylla pavinna być pryniata arhanizacyjaj nie paźniej čym u miesiačny termin z daty padačy zajavy, a pry zaklučeńni hramadzianinam dahavora na akazańnie pasłuh pa praviadzieńni niezaležnaj acenki rynačnaj vartaści žyłoha pamiaškańnia — nie paźniej jak za dva miesiacy.
Hienadź Akściłovič padkreśliŭ, što pačatkam pracesu pryvatyzacyi źjaŭlajecca mienavita padača zajavy. «Navat kali hramadzianin 30 červienia pryjdzie i padaść zajavu ŭ 23.55, možna nie chvalavacca — pačatak pakładzieny», — zapeŭniŭ jon.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary