Premjer-ministr Brytanii Devid Kemieran zajaviŭ u parłamiencie, što ŭsie klučavyja rašeńni pra vychad krainy ź ES pavinien budzie prymać jaho pierajemnik. Kabiniet Kemierana padrychtuje dla jaho daviedki, ale zajavu ab vychadzie padavać nie stanie.
Vystupajučy ŭ paniadziełak u pałacie abščyn z aficyjnym abviaščeńniem vynikaŭ refierendumu 23 červienia pra siabroŭstva Brytanii ŭ Jeŭrasajuzie, Devid Kemieran skazaŭ, što jon užo apaviaściŭ kiraŭnictva ES, a taksama kanclera Hiermanii Anhiełu Mierkiel ab tym, što jaho kabiniet nie maje namieru aficyjna inicyjavać praces vychadu Brytanii ź Jeŭrasajuza.
Premjer maje namier paŭtaryć heta ŭ aŭtorak na pasiadžeńni Jeŭrapiejskaha Savieta.
Kemieran zapeŭniŭ, što jaho ŭrad robić i zrobić usio, što ŭ jaho siłach, ale «ŭsie klučavyja rašeńni nie buduć pryniatyja da taho času, pakul nie źjavicca novy premjer-ministr».
Adrazu paśla pieramohi prychilnikaŭ vychadu Brytanii ź ES na refierendumie, Kemieran, jaki vystupaŭ za Jeŭrasajuz, abviaściŭ, što sydzie ŭ adstaŭku da kastryčnika. Siarod jaho imaviernych pierajemnikaŭ nazyvajuć lidara łahiera jeŭraskieptykaŭ Barysa Džonsana i ministra ŭnutranych spraŭ Terezu Mej, jakaja pa pytańni ab siabroŭstvie ŭ ES padtrymlivała premjera.
Kemieran paviedamiŭ u paniadziełak u parłamiencie, što ŭrad stvoryć admysłovuju hrupu z pradstaŭnikoŭ roznych viedamstvaŭ, jakaja padrychtuje infarmacyju pra varyjanty raźvićcia adnosinaŭ ź Jeŭrasajuzam dla budučaha ŭrada.
«My ŭ poŭnaj miery pryciahniem da hetaha pracesu ŭrady Uelsa, Šatłandyi, Paŭnočnaj Irłandyi i my budziem kansultavacca z Hibrałtaram i karonnymi ŭładańniami», — dadaŭ Kemieran.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary