Dniom 27 červienia ŭ vioscy Balšavik Homielskaha rajona, u nievialikim štučnym vadajomie, patanuła 10-hadovaja školnica. Jak paviedamiŭ viadučy śpiecyjalist Homielskaj abłasnoj arhanizacyi Asvoda Siarhiej Kaściučenka, dzicia zahinuła z-za niedarečnaj vypadkovaści.
«Miascovaja babula hnała pa darozie svoj statak, u jakim try byki i piać karoŭ. Nasustrač išli dźvie školnicy. Žyvioły pačali badacca adno z adnym, dziaŭčynki spałochalisia i syšli ŭ vadu. Dno tam hleistaje, i dziaŭčynak, miarkujučy pa ŭsim, stała zasmoktvać. Minak vyciahnuŭ z vady adnu dziaŭčynku, taja skazała, što ź joj była siabroŭka. Miascovyja padletki kinulisia ŭ vadu i znajšli na dnie dziaŭčynku, zrabili joj štučnaje dychańnie, vyklikali chutkuju, ale było pozna — dzicia ŭžo pamierła», — skazaŭ śpiecyjalist Asvoda.
Štučny vadajom, u jakim patanuła školnica, byŭ vykapany ŭ saviecki čas, chutčej za ŭsio, dla techničnych metaŭ.
26 červienia ŭ vioscy Dziaržynsk Lelčyckaha rajona znajšli cieły traich padletkaŭ, jakija patanuli padčas łoŭli ryby sietkaj. Usiaho za vychadnyja ŭ krainie patanuła 15 čałaviek.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary