Ministerstva ekanomiki pastanovaj № 43 ad 24 červienia 2016 hoda ŭstanaviła novy taryf na «pasłuhu, što akazvajecca respublikanskimi ŭnitarnymi pradpryjemstvami elektraenierhietyki dziaržaŭnaha vytvorčaha ab`iadnańnia elektraenierhietyki «Biełenierha», pa pieradačy i raźmierkavańni elektryčnaj enierhii, vyrablenaj na terytoryi Respubliki Biełaruś jurydyčnaj asobaj, jakaja nie ŭvachodzić u skład nazvanaha ab`iadnańnia , i pieradadzienaj adasoblenym (strukturnym) padraździaleńniam vytvorcy elektryčnaj enierhii, jakija znachodziacca ŭ vobłaści (h. Minsku), supadalnaj z vobłaściu (h. Minskam) — miescam raźmiaščeńnia enierhakrynicy vytvorcy elektryčnaj enierhii».
Z 1 lipienia taryf budzie składać 4 kapiejki za kiłavat-hadzinu (400 rubloŭ u niedaminavanych rublach). Ciapierašni taryf roŭny 305 rublam (3,05 novaj kapiejki), jon byŭ ustanoŭleny 29 sakavika 2012 hoda. Takim čynam, pavyšeńnie taryfu skłała 31,1%.
Miž tym 17 červienia, razmaŭlajučy ŭ Homieli z rabotnikami kandytarskaj fabryki «Spartak», Alaksandr Łukašenka zajaviŭ: «Rostu cen u suviazi z denaminacyjaj nie budzie — heta ja vam harantuju. My za heta adarviem hałovy, kali chtości pasprabuje skarystacca hetym techničnym pracesam».
«Kali idzie pieralik cen, jość žadańnie ledź-ledź pavysić, na kapiejku. Bolš, viadoma, nie atrymajecca, tamu što ŭsio pad kantrolem, — skazaŭ jon. — Ale my damovilisia, i ŭrad davioŭ rašeńnie: nie treba navat na kapiejku pavyšać. paniźcie na adnu kapiejku, i ludzi skažuć, što my prystojna pastupili».
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary