Kala Miadzieła pačała pracavać najbujniejšaja ŭ krainie soniečnaja elektrastancyja mahutnaściu 5,7 MW. Jana moža vyrablać 6,27 miljonaŭ kWh elektraenierhii štohod — dastatkova, kab na hety pieryjad zabiaśpiečyć kala 3 tysiač chatnich haspadarak.
«Heta najbujniejšaja soniečnaja elektrastancyja nie tolki ŭ Biełarusi, ale i ŭ rehijonie, jana bolš mahutnaja, čym elektrastancyi ŭ krainach Bałtyi, u Polščy. Sučasnaja elektrastancyja zabiaśpiečyć mocnuju hienieracyju i enierhietyčnuju biaśpieku krainy. Usia elektryčnaja enierhija budzie padavacca ŭ biełaruskija enierhietyčnyja sietki», — kaža dyrektar kampanii «Modus Energija» Mikałaj Matyniuk.
Pamier inviestycyi ŭ elektrastancyju dasiahaje 10,6 młn dalaraŭ ZŠA, pałovu sumy vyłučyŭ Jeŭrapiejski bank rekanstrukcyi i raźvićcia (JEBRR) Astatniuju častku sumy dadała kampanija «Modus Energija», jakoj kiruje hałandski chołdynh MG NL Holding.
Z ulikam zakupačnych cenaŭ, praduhledžanych u zakonie Biełarusi ab uznaŭlalnych krynicach enierhii, možna vykazać zdahadku, što soniečnaja elektrastancyja akupić siabie na praciahu 6 hadoŭ.
Novy abjekt znachodzicca pobač z vozieram Narač. Tut na ŭčastku 15 ha abstalavana bolš za 22 tysiačy soniečnych modulaŭ. Dla taho, kab ich dastavić, spatrebiŭsia 31 hruzavik.
Pradstaŭniki kampanii «Modus Energija», jakoj kiruje hałandski MG NL Holding, spadziajucca, što najbujniejšaja soniečnaja elektrastancyja budzie nie adzinaj inviestycyjaj u Biełarusi ŭ halinie ŭznaŭlalnaj enierhii. «Takuju pryrodnuju enierhiju my aceńvajem jak ustojlivuju, čystuju, kankurentazdolnuju i ličym, što jana budzie daminujučaj. My bačym, što vykarystańnie ŭznaŭlalnych krynic enierhii ŭsio bolš i bolš raźvivajecca. Akramia taho, my aktyŭna pracujem nie tolki ŭ halinie soniečnaj enierhii, ale i ŭ halinie bijahazu», — patłumačyŭ dyrektar kampanii-raspracoŭščycy prajekta «Modus Energija» Mikałaj Matyniuk.
U Biełarusi i inšych krainach «Modus energija» abstalavała nie adnu «zialonuju» elektrastancyju — ich ahulnaja mahutnaść bolš za 20 MW. U ciapierašni čas kampanija vyjšła na rynki Litvy, u dalejšych płanach — raźvićcio ŭ maštabie jeŭrapiejskaha rehijenu.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary