U Aŭstralii adkrylisia ŭčastki dla hałasavańnia na čarhovych fiederalnych vybarach, u vyniku jakich pavinien być sfarmavany novy ŭrad.
Adnak ekśpierty pradkazvajuć, što kirujučaja kansiervatyŭnaja kaalicyja chutčej za ŭsio zachavaje ŭładu ŭ svaich rukach, choć i moža stracić niekalki miescaŭ u parłamiencie.
Zrešty, lidar lejbarystaŭ Bił Šorten nastojvaje na tym, što daloka nie ŭsio jašče vyrašana.
Asnoŭnymi temami pieradvybarčaj kampanii stali pytańni ekanomiki, achovy zdaroŭja, imihracyi i adnapołych šlubaŭ.
Vyniki hałasavańnia ŭ Brytanii pa pytańni ab vychadzie ź Jeŭrasajuza zhulali na ruku ciapierašniamu premjer-ministru Malkalmu Ternbułu. Aŭstralijcy, imavierna, nie vyrašacca kardynalna mianiać uładu pierad tvaram mahčymych ekanamičnych prablem, źviazanych z «breksitam».
Tym bolš, što ŭ apošni čas premjery ŭ Aŭstralii nadoŭha ŭ svaim kreśle nie zatrymlivajucca: kali lejbarystam usio-tki ŭdasca pieramahčy na vybarach, Bił Šorten stanie ŭžo šostym premjer-ministram krainy za apošnija šeść hadoŭ.
Ternbuł abiacaje aŭstralijcam skaračeńnie padatkaŭ dla najomnych rabočych i drobnaha biznesu, Šorten, u svaju čarhu, u pieršuju čarhu abiacaje lehalizavać adnapołyja šluby.
Adnak siurpryz mohuć padnieści mienš bujnyja partyi.
«Zialonyja», jakija majuć pakul dziesiać sienataraŭ i adnaho deputata nižniaj pałaty parłamienta, raźličvajuć vyjhrać bolš miescaŭ za košt aktualnaści ich klučavych punktaŭ palityčnaj prahramy: prablemy baraćby z hłabalnym źmianieńniem klimatu i vyrašeńnie situacyi ź biežancami.
Taksama analityki prahnazujuć viartańnie ŭ vialikuju palityku Palin Chensan, zasnavalnika skrajniepravaj partyi «Adna nacyja», viadomaj svajoj antymihrantskaj rytorykaj.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary