U centry Łondana ŭ subotu prachodzić vialiki marš pratestu suprać vychadu Brytanii ź Jeŭrasajuza. Udzielniki maršu spadziajucca paŭpłyvać na parłamient, kab jon jak-niebudź praduchiliŭ vychad ź ES, za jaki bolšaść vykazałasia na refierendumie 23 červienia.
Udzielniki «Maršu za Jeŭropu» sabralisia na miažy Hajd-parku i iduć pa trochkiłamietrovym maršrucie mima budynkaŭ urada da parłamienta. La parłamienta zapłanavany mitynh-kancert.
«My možam praduchilić «breksit» /…/ My možam uzbroić parłamient usim, što jamu treba, kab pryniać razumnyja rašeńni i pierahledzieć «breksit». Ułada ŭsio-tki naležyć narodu, i my možam źmianić stanovišča spraŭ, kali budziem nieabyjakavyja i arhanizavany», — havorycca na adnoj ź dźviuch staronak maršu ŭ fejsbuku.
Spačatku, adrazu paśla refierendumu 23 červienia, dźvie inicyjatyŭnyja hrupy — zvyčajnyja hramadzianie, nie viadomyja šyrokaj publicy — zaklikali ludziej na dva maršy pratestu pa adnym i tym ža maršrucie ŭ adzin i toj ža čas. Za dva dni da maršu jany skaardynavalisia i nazvali abiedźvie staronki adnolkava: «March For Europe» (Marš za Jeŭropu).
Na druhoj staroncy paviedamlajecca, što ŭ kančatkovym punkcie maršu, la parłamienta, projdzie mitynh-kancert, na jakim vystupiać nie tolki palityki i nieabyjakavyja hramadzianie, ale i muzyki i paety.
Pra svoj udzieł u zapłanavanym mierapryjemstvie zajavili 34 tysiačy karystalnikaŭ sacsietak.
Fota Reuters
U aŭtorak u centry Łondana prajšoŭ pieršy napaŭstychijny mitynh pratestu suprać vychadu ź ES. Udzielniki mitynhu sabralisia na Trafalharskaj płoščy, a zatym pieramiaścilisia da parłamienta.
Bolšaść žycharoŭ Łondana hałasavali suprać vychadu Brytanii ź ES.
Užo na nastupny dzień paśla abviaščeńnia vynikaŭ refierendumu pietycyju z patrabavańniem praviadzieńnia paŭtornaha hałasavańnia padpisali bolš za 2 młn čałaviek, na siońniašni dzień — užo kala 4 miljonaŭ.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary