Paeta Słavamira Adamoviča ŭtrymlivajuć u siomym korpusie «Respublikanskaha navukova-praktyčnaha centru psychičnaha zdaroŭja» (Navinki), paviedamlajuć u fejsbuku. Pavodle lekara, Adamovič budzie znachodzicca tam da aŭtorka.
Jak paviedamlałasia ŭčora, Słavamira Adamoviča zatrymali ŭ Budsłavie. Tady ž u razmovie z karespandentam Svabody paet apavioŭ, što jaho viazuć u «chutkaj dapamozie», imavierna, u Miadzieł. Jaho supravadžaje milicyjant.
«Ja pryjechaŭ u Budsłaŭ, zajechaŭ da dzieda na mohiłki. Na fest ža prychodzić mnoha ludziej, i jon pačynajecca ŭžo ad 1 lipienia.
Tam dzie ja prachodziŭ, byli vystaŭleny pa perymetry ludzi ŭ cyvilnym, jakija pradstaŭlalisia jak BRSM. Jany zapatrabavali, kab ja pakazaŭ svaju torbu. Ja paličyŭ, što ludzi ŭ cyvilnym nia majuć na heta prava. Jany vyklikali milicyjantaŭ, i z hetaha pačałosia: vychodnyja dni, napadpitku ci nie, farmalnaja pryčyna…
I voś viazuć, ja dumaju, u Miadzieł dla «ośvidietielstvovanija». Kali ja ŭžo doma nie mahu ŭ svaim śviatnym miescy, jak katalik, chadzić spakojna, dyk pra što tut kazać?»
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary