Nacbank patłumačyŭ, adkul na 2-rublovych manietach źjavilisia čornyja plamy

Učora ŭładalniki novych hrošaj zaŭvažyli na niekatorych 2-rublovych manietach čornyja plamy — ci to iržu, ci to ślady akiśleńnia. Na manietach inšych naminałaŭ vizualnych źmien nie vidać. U Nacbanku raskazali, čamu niekatoryja dvuchrubloŭki tak chutka stracili tavarny vyhlad.

Fota: Volha Šukajła, tut.by

Rehulatar adrazu rastłumačyŭ, što paciamnieli nie ŭsie dvuchrublovyja maniety.

— Jakaść maniet u pieršuju čarhu zaležyć ad ułaścivaściaŭ vykarystanych mietałaŭ. Mietały, jakija ŭvachodziać u skład maniet, mohuć być schilnyja da akiśleńnia. Uličvajučy, što maniety byli vyrablenyja ŭ 2008 hodzie i znachodzilisia praciahły čas na zachoŭvańni, adbyŭsia praces akiśleńnia, u vyniku jakoha na asobnych manietach źjavilisia ciomnyja plamy, — raskazvajuć va ŭpraŭleńni infarmacyi i hramadskich suviaziej Nacbanka.

Na ruki maniety ź plamami patrapili z-za «nieabchodnaści ŭ ścisłyja terminy ažyćciavić vypusk u abaračeńnie značnaj kolkaści maniet».

— Aŭtamatyzavany pieralik maniet nie mierkavaŭ sartavańnie z adboram maniet ź plamami. U dalejšym pry apracoŭcy dadzienyja maniety buduć adbiracca z abaračeńnia bankaŭskaj sistemaj, vypusk maniet z takimi prajavami pa mahčymaści ažyćciaŭlacca nie budzie, — zapeŭnili ŭ Nacbanku.

Pry hetym paciamnieńni nijak nie adbivajucca na płaciežazdolnaści maniet, zapeŭnivaje rehulatar.

— Łakalnyja plamy nie adnosiacca da prykmiet niepłaciežnaści maniet i nie ŭpłyvajuć na ich spažyvieckija ŭłaścivaści, źviazanyja z vykarystańniem maniet u abaračeńni, ich apracoŭkaj, u tym liku techničnymi srodkami pryjomu, pieraliku i sartavańnia. Nazvanyja maniety mohuć znachodzicca ŭ najaŭnym abaračeńni biez abmiežavańniaŭ, — kažuć śpiecyjalisty.

U Nacbanku tłumačać, što «anałahičnyja prajavy ŭłaścivyja i manietam inšych dziaržaŭ».

Pavialičyć

Nahadajem, 2 rubli — samaja bujnaja manieta, jakuju vypuścili ŭ abaračeńnie paśla denaminacyi. Jana adroźnivajecca ad astatnich technałohijaj vyrabu — heta kalco ź siaredzinaj (u dyjamietry 23,5 mm, vaha — 5,81 h). Koler i spłaŭ — bikałor. Heta značyć, što manieta pakrytaja miedździu i łatuńniu pa krajach, miedździu i nikielem — u siaredzinie.

Novyja hrošy byli nadrukavanyja i adčakanienyja jašče ŭ 2008-2009 hadach. Uvieś hety čas jany znachodzilisia ŭ Centralnym schoviščy Nacbanka. «Umovy zachoŭvańnia vielmi kamfortnyja i z hrašyma ŭsio ŭ paradku», — zapeŭnili raniej žurnalistaŭ u Nacbanku. Tak, sistema vientylacyi i kandycyjanavańnia pavietra rehulavalisia aŭtamatyčna, hrošy zachoŭvalisia pry tempieratury 22-25 hradusaŭ ciapła i pry peŭnym uzroŭni vilhotnaści.

• 0
• 0
• 0
• 0
• 0
• 0
• 0
• 0