Minskaja milicyja budzie patrulavać miescy adpačynku na kvadracykłach
Va UUS Minskaha abłvykankama 1 lipienia pačalisia vyprabavańni kvadracykła dla patrulavańnia miescaŭ masavaha adpačynku. Jon maje lepšuju prachodnaść u paraŭnańni sa skutarami, jakija aktyŭna vykarystoŭvajucca ŭžo niekalki hadoŭ, paviedamlaje MUS Biełarusi.
1 lipienia navinka była prezientavanaja ministru ŭnutranych spraŭ hienierał-lejtenantu milicyi Iharu Šunieviču i ministru abarony hienierał-lejtenantu Andreju Raŭkovu.
«Na hetym žaleznym kani budzie pracavać hrupa ŭ składzie dvuch supracoŭnikaŭ AMAPa, a taksama prymacavanaha da ich aŭtapatrula, — raspavioŭ načalnik UUS Minabłvykankama hienierał-major milicyi Ihar Jaŭsiejeŭ. — Da miesca niasieńnia słužby kvadracykły płanujem dastaŭlać na łafiecie».
Pracavać taki patrul budzie na śpiecyjalna raspracavanych maršrutach u zonach adpačynku na praciahu ŭsiaho letniaha siezonu. Pa vynikach vyprabavańniaŭ prymuć rašeńnie ab metazhodnaści dalejšaha vykarystańnia hetaj techniki.
Śpiecyjalisty taksama ahledzieli jašče adnu transpartnuju abnoŭku UUS. U adrodžanaj śpiecyjalnaj hrupie «Harpun» u składzie śpiecpadraździaleńnia pa zabieśpiačeńni darožnaj biaśpieki UDAI vobłaści źjavilisia dźvie «Tajoty». Siarod zadač hrupy, abstalavanaj samymi sučasnymi transpartnymi srodkami, — supravadžeńnie achoŭvajemych asob i aficyjnych delehacyj, kantrol za vykanańniem Praviłaŭ darožnaha ruchu, u tym liku i supracoŭnikami milicyi, udzieł u praviadzieńni rejdavych mierapryjemstvaŭ z pradstaŭnikami kadravych i ideałahičnych padraździaleńniaŭ i słužby ŭłasnaj biaśpieki.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary