Addanyja prychilniki Denieła Redklifa, jakomu pryniesła papularnaść rolu Hary Potera, viedajuć, što niekalki hadoŭ tamu ŭ akciora byli surjoznyja prablemy z ałkaholem. Napiaredadni Redklif raspavioŭ pradstaŭnikam vydańnia The Telegraph, jak jamu ŭdałosia pieramahčy zaležnaść.
neogaf.com
Pa słovach akciora, jon adnosicca da tych ludziej, jakija kardynalna mianiajucca, kali vypjuć. Denieł pryznaŭsia, što stanaviŭsia inšym čałaviekam paśla ŭžyvańnia ałkaholu, adnak jon sam nie moža skazać, jakim, pakolki ŭsio, što adbyvajecca vakoł, u toj čas było padobna na chaos. Akcior adznačyŭ, što ŭ adzin momant jon zrazumieŭ, što stamiŭsia być zaležnym, tamu vyrašyŭ pieramahčy svajo zachapleńnie ałkaholnymi napojami.
Denieł Redklif padkreśliŭ, što spravicca z zaležnaściu jamu dapamoh sport. Praŭda, akcior nie chavaje, što praces pazbaŭleńnia ad zaležnaści prachodziŭ vielmi doŭha i davoli pakutliva. Adnak ciapier Denieł z honaram moža skazać lubomu, što ŭžo try hady nie ŭžyvaje śpirtnoha.
Zakančvajučy razmovu z žurnalistami, Redklif skazaŭ, što prychilnaść da ałkaholu ŭ jaho źjaviłasia ŭ suviazi z raptoŭnaj słavaj, jakaja pryjšła da akciora paśla vychadu «Hary Potera».
Kamientary