Minčuki Uładzimir Padhoł i Aleś Taŭstyka arhanizavali akcyju, pryśviečanuju Dniu Niezaležnaści ZŠA.
«U hety dzień my chočam zładzić demanstracyju i raspaŭsiud ściahoŭ ZŠA, tym samym vykazvajučy svaju pašanu cudoŭnaj krainie i našym siabram, jakija žyvuć tam. Vy možacie razam sa svaimi dziećmi namalavać amierykanskija ściažki i pryjści da ratušy ź imi. Možacie prosta pahamanić z nami: abmiarkavać jak lepiej adznačyć śviata našych siabroŭ z ZŠA», — zaklikali napiaredadni ludzi ŭ sacsietkach.
Da Ratušy pryjšli taksama lidar «Maładoha frontu» Źmicier Daškievič, maci Viačasłava Siŭčyka Halina. U pramovach udzielniki akcyi padziakavali ZŠA za dapamohu pa łendlizie padčas Druhoj suśvietnaj vajny.
Ahułam za dziesiaćciu ŭdzielnikami akcyi sačyła 9 ludziej u cyvilnym, dvoje ź jakich fiksavali toje, što adbyvajecca, na videa. Padčas akcyi nie było składziena nivodnaha pratakoła.
Uładzimir Padhoł ustalavaŭ na scenie zavadny hramafon i sprabavaŭ uklučyć płaścinku ź miełodyjami Łui Armstranha
Aleś Łahviniec i Aleś Taŭstyka abmianialisia podpisami za rehistracyju kandydatam na parłamienckija vybary
Čałaviek u cyvilnym schavaŭsia ad daždžu i zdymaŭ udzielnikaŭ ź bližejšaj kaviarni
