Śpiecyjalisty pryniali rašeńnie dadać «siekundu kaardynacyi» da času pa ŭsim śviecie. Pra heta raspaviała Mižnarodnaja słužba kručeńnia Ziamli ŭ śpiecyjalnym paviedamleńni.
«Lišniaja» siekunda źjavicca ŭ noč z 31 śniežnia 2016 hoda na 1 studzienia 2017 hoda. Siekundu dadaduć paśla časovaj adznaki 23 hadziny 59 chvilin 59 siekund pa suśvietnym kaardynavanym časie (UTC). U Biełarusi ŭ hety momant na hadzinach budzie 2:59 1 studzienia.
Farmalna čas dla biełarusaŭ pieršaha studzienia budzie adličvacca tak:
- 2 hadziny 59 chvilin 59 siekund
- 2 hadziny 59 chvilin 60 siekund
- 3 hadziny 0 chvilin 0 siekund
Suśvietny kaardynavany čas karektujuć, kab skaracić roźnicu pamiž sutkami ŭ sistemie SI i realnym časam zvarotu Ziamli vakoł svajoj vosi, jaki moža adroźnivacca ŭ zaležnaści ad hoda.
Biez padobnaj karekciroŭki tolki za apošnija 40 hadoŭ razychodžańnie skłała b bolš za 25 siekund. Ciapier hadzińniki pieravodziać raz u try-čatyry hady, adnak z-za zapavoleńnia kručeńnia Ziamli rabić heta davodzicca ŭsio čaściej.
Na ŭsich pryładach, jakija majuć źniešniuju sinchranizacyju, siekunda kaardynacyi pavinna źjavicca aŭtamatyčna. Mahčymyja zboi kamputarnych sistem: hod nazad u śpis achviar lišniaj siekundy trapiła apieracyjnaja sistema Android, a taksama sajty Twitter, Amazon i Netflix.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary