Tereza Mej, independent.co.uk
Kiraŭnik MUS Vialikabrytanii Tereza Mej zastałasia siońnia adzinym pretendentam na pasadu brytanskaha premjera paśla taho, jak jaje sapiernica Andrea Lidsam pryniała rašeńnie pakinuć pieradvybarčuju honku, paviedamlaje The Guardan.
«U intaresach našaj krainy jak maha chutčej zajmieć novaha premjer-ministra z maksimalna mocnymi lidarskimi jakaściami, - zajaviła Lidsam. - Ja žadaju Terezie Mej ŭsiaho najlepšaha». Lidsam taksama adznačyła, što z padtrymkaj tolki kala 25% deputataŭ svajoj frakcyi jana nie zmoža sfarmavać mocnaha ŭrada.
Budučy małodšym ministram enierhietyki (heta značyć, faktyčna, namieśnikam ministra), Lidsam pa vynikach druhoha tura vybaraŭ unutry parłamienckaj frakcyi kansiervataraŭ zastałasia adzinaj apanientkaj Mej i adzinaj pradstaŭnicaj łahiera jeŭraskieptykaŭ - prychilnikaŭ vychadu Vialikabrytanii ź ES.
Novy lidar Kansiervatyŭnaj partyi Vialikabrytanii, dziakujučy parłamienckaj bolšaści kansiervataraŭ, aŭtamatyčna stanie novym premjeram. Vybary ŭ partyi startavali paśla taho, jak ciapierašni kiraŭnik urada Devid Kemieran abviaściŭ pra namier pajści ŭ adstaŭku paśla vynikaŭ refierendumu ab vychadzie ź Jeŭrasajuza.
