U dačynieńni da 47-hadovaha žychara Saratava zaviali kryminalnuju spravu pa padazreńni ŭ zabojstvie pažyłoj maci. Pa viersii śledstva, znachodziačysia ŭ stanie ałkaholnaha apjanieńnia, mužčyna abliŭ jaje bienzinam i spaliŭ žyŭcom, havorycca na sajcie ŭpraŭleńnia SKR pa rehijonie.
Incydent adbyŭsia 10 lipienia ŭ pryvatnym domie ŭ Saratavie. Paciarpiełaja znachodziłasia ŭ budynku razam z susiedkaj. Pamiž žančynaj i jaje synam adbyłasia svarka z-za jaje admovy dać jamu hrošaj na kuplu śpirtnoha. Paśla hetaha mužčyna raźliŭ bienzin pa chacie i padpaliŭ.
«Padčas pažaru hościa paśpieła vyjści z pamiaškańnia, sastarełaja paciarpiełaja nie zmahła pakinuć dom i pamierła na miescy. Złamyśnik z apiokami cieła špitalizavany ŭ miedycynskuju ŭstanovu», — havorycca ŭ paviedamleńni SK.
Zaviedzienaja kryminalnaja sprava pa artykule «Zabojstva, ździejśnienaje ahulnaniebiaśpiečnym sposabam». Padazravanamu moža pahražać turemny termin až da pažyćciovaha pazbaŭleńnia voli.
