Sierbski paŭabaronca futbolnaha minskaha «Dynama» Nienad Adamavič pakidaje biełaruski kłub. Adna z pryčyn — zrazańnie zarobku z 12 da 7 tys. dalaraŭ u miesiac.
Tribuna.com
U intervju Priessbołu jon patłumačyŭ pryčyny sychodu.
— Praŭda, što tabie prapanoŭvali zrezać zarobak z 12 tysiač dalaraŭ da 7?
— Heta praŭda. Ja razumieju, što ciapier u Biełarusi składanaja situacyja. Ciapier usiudy ciažka. Kali zimoj zajšła razmova ab urazańnie zarpłaty, to ja skazaŭ Sielimavu [hiendyrektar «Dynama»]: «Mnie nie treba nijakich premijalnych i bonusaŭ. Hatovy hulać za čystuju zarpłatu». Hienieralny dyrektar vysłuchaŭ, a na nastupny dzień adpraviŭ u dubl. Heta začapiła mianie. Paśla takoha vyrašyŭ nie iści na kampramis, choć ad pačatku byŭ hatovy da razmovy. Siamja padtrymała mianie ŭ hetym.
— Ty nie byŭ hatovy hulać u «Dynama» za siem tysiač dalaraŭ?
Viadoma, 12 tysiač dalaraŭ i 7 tysiač - heta vielmi roznyja sumy. Prosta kłubu treba razumieć, što kali tak surjozna ŭrazajecca zarpłata, to ŭ niekatorych hulcoŭ pačynajucca prablemy ź psichałohijaj.
***
Adamavič pierajšoŭ u «Dynama» ź sierbskaha «Chajduka» z Kuły ŭletku 2013 h. Zhulaŭ za «Dynama» ŭ vyšejšaj lizie 80 matčaŭ, zabiŭ 20 hałoŭ.