Minski haradski vykanaŭčy kamitet svaim rašeńniem №1807 pavialičyŭ hraničnyja maksimalnyja taryfy na rytualnyja pasłuhi. Adpaviednaja pastanova była apublikavana 15 lipienia na Nacyjanalnym pravavym internet-partale.
Bolšaść taryfaŭ vyrasła na 20%. Jany ŭžo ŭstupili ŭ siłu.
Pieravozka astankaŭ pamierłaha da miesca pachavańnia ŭ miežach Minska abo ŭ krematoryj ciapier budzie kaštavać 47,30 rubla. Pieravozka cieła ź Minska ŭ miežach Biełarusi vyrasła da 60 kapiejek za kiłamietr ci 16,10 rubla za hadzinu.
Maksimalny taryf za vykopvańnie mahiły ŭručnuju składaje 89,7 rubla ŭzimku i 42,5 rubla ŭletku.
Kali ž pry vykopvańni mahiły budzie vykarystoŭvacca technika, to ŭ zimoj čas takaja pasłuha abydziecca ŭ 36,4 rubla, a ŭ letni — 28,4 rubla.
Prostaja draŭlanaja truna biez abiŭki budzie kaštavać 15,4 rubla, z abiŭkaj — 28,4 rubla.
A voś taryfy na pachavańnie urny z pracham niabožčyka ŭ nišu abo isnujučuju mahiłu nie źmianilisia.
Kamientary