Na parłamienckich vybarach u Biełarusi pieršy kandydat padaŭ dakumienty na rehistracyju, paviedamiła staršynia Centrvybarkama Lidzija Jarmošyna ŭ čarhovym videazvarocie, raźmieščanym na sajcie vybory2016.by.
Jarmošyna padkreśliła, što ŭsiaho było zarehistravana 446 inicyjatyŭnych hrup pa vyłučeńni kandydataŭ, adnak 13 lipienia adzin pretendent adklikaŭ svaju zajavu.
«U nas jość užo pieršy patencyjny kandydat, jaki prajšoŭ pieryjad vyłučeńnia. Heta namieśnik dyrektara pa jakaści i standartyzacyi žodzinskaha AAT «BiełAZ» Zabłocki Dźmitryj Vasiljevič. Jaho vyłučyła kanfierencyja pracoŭnaha kalektyvu. Hety kandydat zdaŭ užo dakumienty, i, ja spadziajusia, budzie zarehistravany va ŭstanoŭlenyja terminy», — skazała kiraŭnik CVK.
Ad inšych patencyjnych kandydataŭ dakumienty pakul nie pastupali, padkreśliła Jarmošyna. «My čakajem partyjnych ź`iezdaŭ, my čakajem rašeńniaŭ schodaŭ pracoŭnych kalektyvaŭ, jakija, całkam mahčyma, vyłučać i inšych pretendentaŭ na hetyja vybarnyja pasady», — adznačyła jana.
Kamientary