Rasijancy Maryi Rymar pradjaŭlena abvinavačańnie za słovy pra tratył
Zatrymanaj u aeraporcie Minska hramadziancy Rasii Maryi Rymar pradjaŭlenaje abvinavačvańnie pa artykule 340 (zaviedama iłžyvaje paviedamleńnie ab niebiaśpiecy).
Pra heta paviedamiła 15 lipienia aficyjny pradstaŭnik Śledčaha kamiteta Biełarusi Julija Hančarova.
«Paśla pradjaŭleńnia abvinavačvańnia śledstva 13 lipienia chadajničała pierad minskim transpartnym prakuroram ab źmienie joj miery strymańnia na zakład. Zdavolić chadajnictva prakuratura admoviła», — paviedamiła Julija Hančarova ŭ fejsbuku.
Pryčyny, pa jakich transpartnaja prakuratura admoviła ŭ zdavalnieńni chadajnictva, Hančarova nie patłumačyła.
Pres-sakratar Hienieralnaj prakuratury Piotr Kisialoŭ skazaŭ, što «heta rašeńnie prakurora i jon jaho moža nie tłumačyć».
Maryja Rymar znachodzicca ŭ minskim SIZA № 1 na vulicy Vaładarskaha. Jaje zatrymali 7 lipienia ŭ Nacyjanalnym aeraporcie «Minsk» padčas rehistracyi na rejs Minsk — Maskva. Pavodle advakata, joj nie spadabaŭsia asabisty nadhlad, i ŭ sprečcy z supracoŭnikami aeraporta jana pažartavała, što ŭ jaje sumcy tratył. Na hetaj padstavie aktyvistku zatrymali, abvinavacili ŭ «zaviedama iłžyvym paviedamleńni pra niebiaśpieku» i raspačali suprać jaje kryminalnuju spravu.
-
Cichanoŭski raskazaŭ, jak za dapamohu jamu asudzili inšaha viaźnia, što siadzieŭ nie za palityku
-
«Stajać na svaim, kožny na kolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii
-
«Kaleśnikavu pierad sustrečaj z baćkam sprabavali pryvieści ŭ paradak — jana była na ŭzmocnienym charčavańni»
Ciapier čytajuć
«Stajać na svaim, kožny na kolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary