Hiendyrektar dziaržabjadnańnia «Biełpalivahaz» Leanid Rudzinski upeŭnieny, što cana na pryrodny haz dla nasielnictva ŭ 2017 hodzie budzie pavialičana. Pra heta jon zajaviŭ 21 lipienia na pres-kanfierencyi ŭ Minsku.
«Sioleta vyznačana [canu na haz dla nasielnictva] nie čapać. U nastupnym hodzie cana na haz padymiecca. Ja ŭ hetym nie sumniajusia», — skazaŭ Rudzinski.
Ciapier nasielnictva płacić za haz u siarednim pa 60 dalaraŭ za tysiaču kubamietraŭ, tady jak realny siektar ekanomiki — 189 dalaraŭ, rastłumačyli ŭ «Biełpalivahazie». I tolki 7,5% nasielnictva płaciać poŭny košt.
Kaho ŭ pieršuju čarhu zakranie pavyšeńnie taryfaŭ? «Adnaznačna budziem rabić bolš žorstkaj dyfierencavanuju canu ŭ zaležnaści ad abjomaŭ spažyvańnia», — skazaŭ Rudzinski.
«Biełpalivahaz» taksama prapanuje raspracavać «adzinuju canu na haz zimoj i letam». «Heta adna z prapanoŭ pa palapšeńni absłuhoŭvańnia nasielnictva. Tamu što ŭzimku jany šmat płaciać, a letam — pamienš», — skazaŭ Rudzinski. «Heta budzie siaredniaja cana. Jaje lohka praličyć», — dadaŭ jon.
Kamientary