Halivudskaja kinakampanija Legendary Entertainment atrymała pravy na ekranizacyju hulni pra pakiemonaŭ.
Kampanija, jakaja adkazvaje za stvareńnie filmaŭ «Hadziła», «Śviet Jurskaha pieryjadu» i «Ciomny rycar: Adradžeńnie lehiendy», kupiła pravy na ekranizacyju u Pokemon Company na fonie ŭsplosku papularnaści pakiemonaŭ z-za vychadu hulni dla smartfonaŭ Pokemon Go.
pcadvisor.co.uk
Zdymki paŭnamietražnaha filma z udziełam jak realnych akcioraŭ, tak i animacyjnych piersanažaŭ pačnucca ŭ 2017 hodzie. Pavodle dadzienych ŚMI, pieršy film budzie zasnavany na hulni Nintendo «Vialiki detektyŭ Pikaču». Inšyja detali pakul trymajucca ŭ sakrecie.
U biaspłatnaj hulni Pokemon Go dla smartfonaŭ karystalniki šukajuć paciešnych monstraŭ, jakija byli raskidanyja ŭ virtualnym śviecie, nakładzienym na kartu navakolnaj miascovaści.
Źmiešvańnie realnaj rečaisnaści i fantastyčnych elemientaŭ pryniesła hulni nieimaviernuju papularnaść.
Kolkaść štodzionnych karystalnikaŭ hulni aceńvajecca amal u šeść miljonaŭ čałaviek. Pavodle dadzienych analityčnaj kampanii SimilarWeb, u siarednim hulec pravodzić za hulnioj 43 chviliny i 23 siekundy ŭ dzień. Heta bolš, čym siaredni karystalnik štodnia pravodzić u takich prahramach, jak WhatsApp, Instagram abo Snapchat.
Kamientary