Kala 400 udzielnikaŭ «chresnaha chodu» Maskoŭskaha patryjarchatu nie puścili ŭ Baryspal Kijeŭskaj vobłaści. Na padychodach da horada ich sustreli niekalki sotniaŭ aktyvistaŭ.
Siarod ich byli bajcy ATA i jeŭramajdanaŭcy, pieradaje 24 kanał. Praciŭniki «chresnaha chodu» sprabavali kidać u kałonu jajki i časnok jak namiok, što takija sumniŭnyja relihijnyja mierapryjemstvy iduć ad niačystaj siły.
Arhanizatary «šeścia» vyrašyli pajści ŭ abychod Baryspala, niepasredna na Kijeŭ. Sutyknieńniaŭ udałosia paźbiehnuć. Pravaachoŭniki ŭziali ŭdzielnikaŭ šeścia ŭ koła i supravadžajuć na šlachu ŭ stalicu.
U pačatku lipienia ŭ Ciarnopalskaj i Danieckaj abłaściach startavaŭ «chresny chod za mir», arhanizavany UPC Maskoŭskaha patryjarchatu.
22 lipienia pradstaŭniki Hałoŭnaha ŭpraŭleńnia vyviedki Ministerstva abarony Ukrainy Vadzim Skibicki zajaviŭ, što rasijskija śpiecsłužby pasprabujuć vykarystać «chresny chod» dla destabilizacyi situacyi va Ukrainie, kab pahłybić raskoł u hramadstvie na relihijnaj hlebie. Taksama, pavodle jaho słoŭ, śpiecsłužby RF pryciahvajuć da arhanizacyi pravakacyj padčas «chresnaha chodu» asobaŭ z atačeńnia byłoha prezidenta Viktara Janukoviča.
Kamientary