Prezident Francyi Fransua Aland zajaviŭ, što ludzi, jakija zachapili zakładnikaŭ u Narmandyi, zajavili pra svaju prychilnaść «Isłamskaj dziaržavy». Jany kryčali «Ałachu Akbar!»
Aland nazvaŭ padziei «hniusnym teraktam», pieradaje BFM-TV.
«Pahroza zastajecca vielmi vysokaj. My pavinny vieści vajnu [suprać ID] usimi srodkami», — padkreśliŭ Aland.
Pa dadzienych Le Point, mužčyny kryčali «Ałachu Akbar!». The Telegraph sa spasyłkaj na palicyju, u svaju čarhu, piša, što pierad tym, jak pierarezać horła śviataru, jany vykrykvali nazvu «Isłamskaj dziaržavy».
***
U aŭtorak dvoje ŭzbrojenych mužčyn zachapili zakładnikaŭ u Sent-Ećjen-dziu-Ruŭry, u pryharadzie Ruana. Jany zabili 84-hadovaha śviatara (pa dadzienych Le Figaro, pierarezaŭšy jamu horła), paśla čaho ich zastreliła palicyja.
Niekalki čałaviek byli paranienyja ŭ vyniku ataki. Pradstaŭnik MUS Francyi Pjer-Anry Brande kazaŭ, što napadnikaŭ zastrelili, kali tyja vyjšli z carkvy. «Abodva złačyncy vyjšli na vulicu i byli zastreleny śpiecnazam», - skazaŭ Brande.
Kamientary